Түбән Кама волонтерлары сукбай хайваннар приютына ярдәм иткән
Алар приюттагы этләрне урамда йөрткән.
Скопировать ссылку
(Казан, 3 июнь, «Татар-информ»). Түбән Каманың «Чиста булачак» хәрәкәте волонтерлары сукбай хайваннар өчен Олы Афанас авылында урнашкан «Хвостики» приютында булган. Ярдәмчеләр приютта чүп чыгарган, территорияне җыештырган, этләрне урамда йөрткән, идәннәрне алмаштырган, юган һ.б. Бу турыда Түбән Кама муниципаль районы сайтында хәбәр ителә.
Бүгенге көндә приютта 93 хайван бар. «Еш кына приютларда хайваннарга нәкъ менә кеше җылысы һәм назы җитми бит», — диләр акцияне оештыручылар.
Приют эшчәнлеге һәм аңа ярдәм күрсәтү мөмкинлеге турында https://vk.com/clubvolonternk рәсми төркемендә танышырга мөмкин.