Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада яшәүче Андрей Жук Россиянең иң яхшы донорларыннан берсе булып танылган
Ул 152 тапкыр барлыгы 68 литрдан артык кан биргән.
(Казан, 3 март, «Татар-информ»). Түбән Камада яшәүче Андрей Жук «Россиянең иң яхшы доноры — 2020» бөтенроссия конкурсында өченче урын алган. 60 яшьлек пенсионер 152 тапкыр барлыгы 68 литрдан артык кан биргән.
Түбән Камада барлыгы 1 545 мактаулы донор яши. Андрей Петрович — әлегә Россия трансфузиологлар ассоциациясе советы рәисе һәм Россия табигый фәннәр академиясе академигы Евгений Жибурт имзасы куелган диплом алган бердәнбер кеше. Бу турыда Түбән Кама муниципаль районы рәсми сайтында хәбәр ителә.
Андрей Петрович, геморрагик бизгәк белән авырып терелгәч, 80нче елларда кан бирә башлый.
«Авырып терелгәннән соң ике ай узгач, тычкан бизгәге белән авыручы пациентларга салу өчен, гипериммун плазмасын тапшыру үтенече белән Казаннан хат килде. Шулай кан бирә башладым. Казанда бер кызга операция ясаганда, турыдан-туры тоташтырдылар. Өч айга бер тапкыр кан тапшыра идем, кан тапшыру станциясеннән безгә күчмә бригадалар килгәндә аена бер тапкыр да тапшырдым. Әлбәттә, алга таба да тапшырачакмын», — ди Андрей Жук.
Кызыклы яңалыкларны күзәтеп бару өчен Телеграм-каналга язылыгыз