Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин: Россиядә локдаун кертү планлаштырылмый
Президент сүзләренчә, кайбер чаралар, киресенчә, коронавирусның «омикрон» аркасында килеп чыккан үзенчәлегенә бәйле рәвештә юкка чыгарылырга мөмкин.
(Казан, 3 февраль, «Татар-информ»). Россиядә коронавирус аркасында яңа чикләүләр булмаячак.
Россиядә коронавируска бәйле яңа чикләүләр кертергә уйламыйлар, локдаун турында сүз гомумән бармый. Бу хакта Президент Владимир Путин «Эшлекле Россия» иҗтимагый оешмасы әгъзалары белән очрашуда белдерде.
«Кичә кич, шактый соң гына бу тема буенча Хөкүмәт рәисе белән фикер алыштык, аның белән төнге икенчеләр киткәч кенә аерылыштык, — дип сөйләде дәүләт башлыгы. — Хөкүмәтнең өстәмә чикләүләр кертү турында ниндидер планнары юк».
Президент сүзләренчә, коронавирусның «омикрон» аркасында килеп чыккан үзенчәлегенә бәйле рәвештә, кайбер чаралар, киресенчә, юкка чыгарылырга мөмкин.
«Бернинди локдауннар да планлаштырылмый», — дип яза Путин сүзләрен ТАСС.
Моңа кадәр Россия Премьер-министры Михаил Мишустин 25 гыйнвардан, Кулланучы хокукларын яклау һәм кеше иминлеге өлкәсендә күзәтчелек федераль хезмәтенең карары белән, коронавирус белән авыручылар өчен карантин вакыты ундүрт көннән җиде көнгә кадәр кыскартылуын игълан иткән иде.
Кызыклы яңалыкларны күзәтеп бару өчен Телеграм-каналга язылыгыз