Түбән Камага экологик чиста ягулык белән йөри торган яңа автобуслар кайтартылды

Автобуслар 59нчы маршрут буенча йөриячәк.

(Казан, 2 октябрь, «Татар-информ»). Түбән Камада «Альбатрос» компаниясе ике яңа автобусны рейска җибәрде. Алар экологик чиста ягулык — метанда йөриләр. Бу турыда Түбән Кама муниципаль районы рәсми сайтында хәбәр ителә.

Автобуслар 59нчы маршрут буенча йөриячәк, якын арада шундый ук автобусларны 47нче маршрутка да сатып алу планлаштырыла.