news_header_top
Руc Тат
16+
news_header_bot
news_top
Җәмгыять 2 октябрь 2017 04:00

Түбән Кама районында яшелчә уңышын җыюга керештеләр

Түбән Кама районы хуҗалыклары 24 сентябрьдә бөртекле культураларның уңышын җыюны тулысынча төгәлләде.

Скопировать ссылку

(Түбән Кама, 2 октябрь, Татар-информ, "Туган як"). Районыбыз кырларыннан барлыгы 94 мең тонна икмәк җыеп алынган, гектардан уртача 34 центнер уңыш чыккан. Бу начар күрсәткеч түгел, дип яза район газетасы. 

Хәзерге вакытта авыл хезмәтчәннәре кукуруз уңышын җыю, бәрәңге һәм шикәр чөгендере алу белән мәшгуль, шулай ук терлек азыгы әзерләүне дәвам итәләр. 2270 гектар мәйданның 70 процентында шикәр чөгендере алынган инде. Уңышы да начар түгел – гектардан уртача 370 центнер чыга.

Авыл хуҗалыгы һәм азык-төлек идарәсеннән алынган иң соңгы мәгълүматларга караганда, бер шартлы терлеккә 28,7 центнер азык берәмлеге тупланган. Хәзерге вакытта киләсе ел уңышы өчен туфрак эшкәртү дә дәвам итә. 8 мең гектар мәйданда уҗым культуралары чәчелгән.

Зур тырышлык куеп, әнә шундый уңыш җыеп алган авыл хезмәтчәннәре якынлашып килүче һөнәри бәйрәмнәрен күтәренке күңел белән каршылый.

#Түбән Кама
news_right_1
news_right_2
news_bot