Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан гаиләләре авыл ипотекасына 5 миллиард сумнан артык дәүләт ярдәме алды
Татарстанда авыл ипотекасын гамәлгә ашыру дәвам итә.
(Казан, 2 август, «Татар-информ»). Татарстанда 2300дән артык гаилә ташламалы шартлар белән авыл җирендә күчемсез милек сатып ала алды. Финанс ярдәме Россельхозбанкның «Авыл ипотекасы» программасы нигезендә бирелә. Халыкка күрсәтелгән ярдәмнең гомуми күләме 5 миллиард сумнан артып китте.
Ипотека кредитының уртача чегы 2,2 миллион сум тәшкил итә. Бу турыда Татарстан Авыл хуҗалыгы һәм азык-төлек министрлыгының матбугат хезмәте хәбәр итте.
Авыл ипотекасының өстенлекләре һәм авылда яшәүнең уңай яклары турында татарстанлылар үзләре сөйли. «Авылда туып-үстем, шуңа күрә үз йортымда яшәргә яратам. Биредә уңай да, тыныч та. Хәзер авыл ипотекасы буенча яңа йорт сатып алдым һәм сөенеп туя алмыйм», — дип, шактлыгы белән уртаклашты Питрәч районында яшәүче Гүзәлия Хәсәнова.
Ташламалы кредит алу өчен Россельхозбанк офисына мөрәҗәгать итәргә яки Свое Жилье: https://svoedom.ru/ сайтында гариза калдырырга кирәк.
Авыл ипотекасы буенча кредит алу шартларын исегезгә төшерәбез: заемчы 21 яшьтән өлкәнрәк, Россия Федерациясе территориясендә даими яки вакытлыча теркәлгән булырга тиеш.
Татарстан Республикасы территориясендә күчемсез милек объекты сатып алганда кредитның максималь күләме 3 млн сум тәшкил итә. Кредитны 25 елга кадәр алырга мөмкин, беренчел кертем 10 проценттан башлана.
Кызыклы яңалыкларны күзәтеп бару өчен Телеграм-каналга язылыгыз