Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төркиядә бу сезонда ял итү бәяләрен арттырмаска вәгъдә иттеләр
Кайбер кунакханәләр клиентларны җәлеп итү өчен хәтта бәяне киметүгә бара/
(Казан, 2 август, «Татар-информ»). Россия белән авиаэлемтәне ачканнан соң Төркия кунакханәләрендә ял итү бәяләре узган ел дәрәҗәсендә калачак. Бу турыда Төркия отельерлары федерациясе башлыгы Сурури Чорабатырга сылтама белән РИА Новости хәбәр итә.
«Хәзерге бәяләр 2019 елда туроператорлар белән төзелгән килешүләрдә язылган һәм алар эшләвен дәвам итә. Кунакханәләрдә коронавирус таралуга каршы чаралар белән бәйле рәвештә чыгымнар артуга карамастан, бәяләр күтәрелмәячәк. Кайбер кунакханәләр клиентларны җәлеп итү өчен хәтта бәяне киметүгә бара», — диде ул.
Чорабатыр сүзләренчә, хакимият, пандемия сәбәпле, зыян күргән икътисад секторларына, шул исәптән туристлык тармагына ярдәм күрсәтә. Әмма быел Төркия кабул итәчәк Россия туристлары саны буенча фаразлардан ул баш тартты.
«Төркия генә түгел, башка илләр дә туризм өчен ачыла гына башлады. Безнең илебез чит ил туристлары, шул исәптән Россия туристлары арасында да популяр, дип уйлыйбыз», — дип өстәде агентлык әңгәмәдәше.
Кызыклы яңалыкларны күзәтеп бару өчен Телеграм-каналга язылыгыз