Татарстанда 30 градуслы эсселек булачак

Республикада урыны белән кыска вакытлы яшенле яңгырлар көтелә.

(Казан, 2 июль, «Татар-информ»). Иртәгә, 3 июльдә, Татарстанга 30 градуслы эсселек килә. Бу хакта ТР Гидрометеорология үзәге хәбәр итә.

Республикада элеккечә алмашынучан болытлы һава торышы көтелә. Урыны белән яңгыр явачак. Моннан тыш, төнлә һәм иртән кайбер районнарда томан төшәчәк, ә көндез аерым районнарда көнбатыштан һәм көньяк-көнбатыштан җилләр көчәюе ихтимал.

Төнлә һава температурасы 11дән 16 градуска кадәр җылы булачак. Көндезен һава +25, +30 градуска кадәр җылыначак.