Казанда бер тәүлеккә Киров дамбасы ябыла

Хәрәкәт чикләү юлга асфальт бетонның югары өслеген салу белән бәйле.

(Казан, 2 июнь, “Татар-информ”). Казанда 3 июньдә 6.00 сәгатьтән 4 июньгә 6 сәгатькә кадәр Киров дамбасы буенча транспорт хәрәкәте өчен юл ябылачак, дип хәбәр итә мэрия матбугат хезмәте.

Транспорт хәрәкәте өчен Кремль яр буеннан Несмелов урамына кадәрге участок ябылачак.

Хәрәкәт чикләү юлга асфальтбетонның югары өслеген салу белән бәйле, дип хәбәр иттеләр Тышкы төзекләндерү комитетында.