Казан циркында филләр чыгыш ясаганда беренче ике рәткә билетлар сатылмаячак

Циркта филләрнең манеждан тамашачы утырган рәтләргә чыгуы белән бәйле очрактан соң иминлек чаралары күреләчәк.

(Казан, 2 апрель, «Татар-информ», Марат Ишкильдин). Казан циркында филләр катнашында чыгышлар булганда беренче ике рәткә билетлар сатылмаячак.

«Әгәр киләчәктә циркта филләр чыгыш ясаса, беренче ике рәткә билетлар сатмау турында килешенде», — диде цирк директоры Рамил Шәрифуллин журналист Андрей Кузьминга биргән интервьюда.

Циркка филләр чыгыш ясаганда манежны рәшәткә белән уратып алырга киңәш иткәннәр, ләкин фил кебек зур хайванны бернинди дә койма тоткарлый алмас иде, ди белгечләр.

«Ерткыч җәнлекләр чыгыш ясаганда читлек кебек коймалар куялар, тик юлбарыс яки арысланның авырлыгы уртача 250 килограмма булса, филләрнең — берничә тонна», — ди Рамил Шәрифуллин.