Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Изоляция шартларында Татарстанның 14 шәһәрендә керү һәм чыгару аерым тәртиптә
Росгвардия һәм ЮХИДИ хезмәткәрләре кешенең документларын һәм эштән рөхсәт биргән белешмә булу-булмавын тикшерә.
(Казан, 2 апрель, «Татар-информ», Гөлнар Гарифуллина). Коронавирус аркасында изоляция шартларында Татарстанның ундүрт шәһәрендә керү һәм чыгару аерым тәртиптә башкарыла. Бу хакта онлайн-брифинг барышында Татарстан Президенты матбугат хезмәте җитәкчесе Лилия Галимова әйтте.
Бу Казан, Яр Чаллы, Түбән Кама, Әлмәт, Алабуга, Бөгелмә, Чистай, Яшел Үзән, Лениногорск, Нурлат, Азнакай, Баулы, Зәй, Менделеевск шәһәрләре. «Хокук сакчылары һәрбер машинаны тикшерү озак вакытны сорый, шунлыктан машиналар күпләп җыелып тора», — диде Лилия Галимова.
Ул Росгвардия һәм ЮХИДИ хезмәткәрләре кешенең документларын һәм эштән белешмә булу-булмавын тикшергәнен әйтте. «Хокук саклаучылар белешмәләрне тикшерә, шик тудырса, кеше чыннан да анда эшлиме икәнен ачыклаганчы белешмәне үзләренә ала», — диде.
Лилия Галимова әйтүенчә, коронавирус турында соцчелтәрләрдә җиде ялган хәбәр ачыкланган. Карантин режимы кысаларында 61 хокук бозу теркәлгәнен әйтте. Ул ТР Хөкүмәтенең 234 Карарының 5нче пунктында гомуми изоляция турында язылганын искәртте.
Кызыклы яңалыкларны күзәтеп бару өчен Телеграм-каналга язылыгыз