Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Айдар Сәлимгәрәев: Милли кадрлар бүген үк кирәк
«Татмедиа» Республика агентлыгы җитәкчесе коллегия утырышында кадрларга ихтыяҗ проблемасын күтәрде.
(Казан, 2 февраль, «Татар-информ», Гөлнар Гарифуллина). Тармак өчен мөһим сорауларның берсе — милли кадрлар әзерләү. Бу хакта «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев йомгаклау коллегиясендә әйтте.
«Татарстан Президенты Рөстәм Миңнеханов ярдәме белән 2018-2019 елларда „татар журналистикасы“ белгечлеге буенча белем алу өчен абитуриентларны максатчан кабул итү оештырылды. КФУда республика бюджеты хисабына белем алучы беренче сигез студент быел диплом алып, республика һәм район редакцияләренә эшкә урнаштырыла», — диде Сәлимгәрәев.
Ул 2019 елдан КФУның Филология һәм мәдәниятара багланышлар институтында ел саен журналист квалификациясенә белгечләр әзерләнгәнен искәртте.
«Редакцияләрнең югары уку йортлары белән багланышларын дәвам иттерү, укыту процессында катнашу, редакцияләрдә стажировка мәйданнарын булдыру, максатчан укытуны дәвам иттерү зарур», — дип белдерде Айдар Сәлимгәрәев.
Ул бүген журналистларны бары тик «Татмедиа» һәм «Яңа гасыр» ТРК укытуын искәртте. «Республика масштабларында бу аз. Кадрлар инде бүген кирәк», — диде.
Кызыклы яңалыкларны күзәтеп бару өчен Телеграм-каналга язылыгыз