Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиянең һәм Татарстанның атказанган табибы Сергей Коломенский вафат
Табиб берничә дистә ел Республика клиник хастаханәсенең колопроктология бүлеген җитәкли.
(Казан, 2 февраль, «Татар-информ»). Россиянең һәм Татарстанның атказанган табибы Сергей Коломенский 72 яшендә вафат булды.
1982 елдан 2015 елга кадәр Коломенский Республика клиник хастаханәсенең колопроктология бүлеген җитәкли. Ул Татарстанда колопроктология мәктәбенә нигез салучыларның берсе иде, дип хәбәр итә ТР Сәламәтлек саклау министрлыгының матбугат хезмәте.
Мактаулы исемнәрдән тыш, табиб үзенең медицина казанышлары өчен җәмәгать бүләге - Гиппократ ордены медале белән дә бүләкләнде.
«Республика клиник хастаханәсеннән хезмәттәшләре һәм хезмәткәрләр туганнарының һәм якыннарының тирән кайгысын уртаклаша. Сергей Николаевич турындагы якты истәлек безнең йөрәкләрдә сакланачак. Сезнең белән бергә кайгырабыз», - дип билгеләп үтелә ТР Сәламәтлек саклау министрлыгының матбугат хезмәте хәбәрендә.
Сергей Коломенский белән хушлашу мәрасиме 4 февральдә 10.30 сәгатьтә Республика клиник хастаханәсенең Л корпусында узачак. Аны Самосырово зиратында җирләячәкләр.
Кызыклы яңалыкларны күзәтеп бару өчен Телеграм-каналга язылыгыз