"Төнге бүреләр"не Польшага кертмәгәннәр

"Төнге бүреләр" "Җиңү юллары - Берлинга" моточарасының төп оештыручылары булып тора.

(Казан, 1 май, "Татар-информ"). Россия мотоциклчыларының "Төнге бүреләр" клубы әгъзаларын Польша территориясенә кертмәгәннәр. Байкерлар әлеге илне фашистлардан саклауда һәлак булган кызылармиячеләр истәлегенә оештырылган чарада катнашырга тиеш булганнар. Бу хакта "Российская газета" хәбәр итә.

Искәртеп үтик, "Төнге бүреләр" "Җиңү юллары - Берлинга" моточарасының төп оештыручылары булып тора. Акцииядә катнашучылар маршруты Смоленск, Минск, Варшава, Братислав һәм Дрезден аша уза. Төп чаралар Берлинда 9 майда уза.  

Польшада үткәреләчәк чарада  әлеге клубның бары Европа вәкилләре, шул исәптән Белоруссиялеләр генә катнаша алган. Бу хакта ТАСС ка клуб вәкиле Евгений Строгов җиткергән.

Аның сүзләренчә, россиялеләрне Польшага экстремист оешмага катнашы барлыгында шикләнелеп кертмәгәннәр.