Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә социаль пенсияләр артачак
2019 елда социаль пенсия 9266 сум тәшкил итте.
(Казан, 1 апрель, «Татар-информ»). Россиядә социаль пенсияләр 1 апрельдән 6,1 процентка индексацияләнә. Пенсия арту 4 миллион кешегә кагылачак. Бу хакта РИА Новости хәбәр итә.
Шул ук вакытта чакыру буенча хезмәт иткән хәрбиләрнең дәүләт пенсияләре, Бөек Ватан сугышында катнашучыларның пенсияләре, «Блокадалы Ленинградта яшәүче» билгесе белән бүләкләнгән кешеләрнең, радиация яки техноген һәлакәтләр нәтиҗәсендә зыян күргән гражданнарның пенсияләре һәм башка пенсияләр дә арттырылачак.
Хезмәт министрлыгы башлыгы Антон Котяков индексация 4 миллионга якын пенсионерның пенсиясен арттырырга мөмкинлек бирәчәк, диде. Аларның 3,3 миллионга якыны - социаль пенсия алучылар, дип искәртте.
Индексациягә чыгымнар аена 2,41 миллиард сум яки быел ел азагына кадәр 21,7 миллиард сум тәшкил итәчәк.
Шулай ук социаль пенсияне инвалидлар һәм туендыручысын югалткан балалар ала. 2019 елда уртача түләү күләме 9266 сум тәшкил итте.
Социаль пенсия - әгәр кешенең расланган хезмәт стажы булмаса яки хезмәт стажы аның хезмәт пенсиясе өчен җитмәгән очракта даими рәвештә картлык буенча билгеләнә торган дәүләт түләве.
Кызыклы яңалыкларны күзәтеп бару өчен Телеграм-каналга язылыгыз