Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия гаскәрләренә Татарстаннан өч меңнән артык кеше җибәреләчәк
Республикада хәрби хезмәткә 16 мең кеше чакырылачак.
(Казан, 1 апрель, «Татар-информ», Зилә Мөбәрәкшина). Россия армиясе сафларына Татарстаннан өч меңнән артык кешене җибәрергә ниятлиләр. Бу хакта ТР хәрби комиссары генерал-майор Сергей Погодин «Татар-информ» агентлыгында Россиядә язгы-җәйге чакырылыш кампаниясенә багышланган матбугат очрашуында хәбәр итте.
«Бүген Татарстанда язгы чакырылышка старт бирелде. Гаскәр хезмәтенә 3100дән артык кеше җибәрү ниятләнә. Коры җир гаскәрләренә — 47, һава-космик оборонасы гаскәрләренә — унөч, стратегик билгеләнештәге ракета һәм милли гвардия гаскәрләренә сигезәр процент, хәрби-диңгез флотына — җиде, һава-десант гаскәрләренә җиде, башка бүлекчәләргә сигез процент хәрби хезмәт итәчәк», — диде ул.
Генерал-майор хәрби хезмәткә чакырылучыларның Татарстан Республикасы җыелма пунктыннан гаскәрләргә беренче тапкыр егерменче майда җибәреләчәген әйтте.
Язгы чакырылыш кампаниясенә беренче апрельдән старт бирелде. Гражданнарны хәрби хезмәткә чакыру 2020 елның 15 июленә кадәр гамәлгә ашырылачак. Хәрби хезмәткә чакыру комиссияләре эшен 2020 елның 13 апреленнән башлаячак.
Кызыклы яңалыкларны күзәтеп бару өчен Телеграм-каналга язылыгыз