Татарстанда соңгы атнада 27 кешенең ВИЧ йоктырганы беленгән

Күзәтчелек органыннан шул хакта белешмә бар

  (Казан, 1 апрель, “Татар-информ”). Татарстанда соңгы бер атна эчендә 27 кешедә ВИЧ-инфекцияне ачыклаганнар. Яр Чаллыда 9, Әлмәт районында 5, Казанда 3, Түбән Кма районында 3, Биектау районында 2, Бөгелмә, Апас, Лениногорск, Саба, Чистай районнарында 1әр кешегә бу куркыныч диагноз куйганнар.

Россия кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең (Роспотребнадзор) ТР буенча идарәсе матбугат хезмәте шул хакта хәбәр итә.