Яшьләр эшләре министрлыгы Рөстәм Миңнехановны танылган фильмнар постерына куйган
Ведомствода республика Президентын туган көне белән котладылар.
Скопировать ссылку
(Казан, 1 март, «Татар-информ»). Татарстан Яшьләр эшләре министрлыгы Татарстан Президентын туган көне белән котлаган һәм Инстаграмда танылган фильмнар постерына Рөстәм Миңнехановны куйган.
«Яз — иҗат өчен иң яхшы вакыт. Шуңа күрә без баш рольдә Татарстан Президенты катнашкан фильмнарның афишаларын күзаллап фантизияне эшкә җиктек», диелгән хәбәрдә.
«Татарминатор», «Форсаж. Татарский дрифт», «Татбоксер» һ.б. фильмнарның постерлары куелган.
1 мартта республика җитәкчесе туган көнен билгеләп үтә.
Элегрәк «Татар-информ»га Татарстан Президентының матбугат хезмәте җитәкчесе Лилия Галимова сөйләгәнчә, Рөстәм Миңнеханов бәйрәмен эш урынында үткәрәчәк.