Эшеннән азат ителгән Азнакай мәктәбе укытучысы гафу үтенде
Мәктәпкә кайтырга теләр идегезме дигән сорауга укытучы «ул могҗиза булыр иде», дип җавап бирде.
(Казан, 1 март, «Татар-информ»). Азнакайның 7нче номерлы мәктәбеннән эштән куылган технология укытучысы үкенгән һәм үз гамәле өчен гафу үтенгән. Педагог үзе, аның хезмәттәшләре, шулай ук мәктәп укучылары белән әңгәмә видеосын YouTube ның «Татарстан» каналында урнаштырдылар.
«Балалар алдында, хезмәттәшләрем, ата-аналар, уку бүлеге буенча бергә эшләргә туры килгән кешеләр алдында гафу үтенергә телим. Булдыра алсагыз, сез мине гафу итегез», — диде Радик Гарипов.
Технология укытучысы буларак, Радик Шамилевич мәктәпнең хуҗалык эшләрендә күп катнашты. Мәктәпкә кайтырга теләр идегезме дигән сорауга укытучы «могҗиза булыр иде», дип җавап бирде.
«Теләр идем. Тәмамланмаган эшләр калды, планнар бар иде», — дип җавап бирде ир-ат.
Аның коллегасы, география укытучысы, Радик Шамилевич — бик аралашучан кеше, барлык кешеләр белән уртак тел таба торган нечкә психолог, диде. Аның сүзләренчә, хезмәт укытучысы мәктәп һәм балалар өчен күп нәрсә эшләгән.
«Бала өчен үз кулларың белән нәрсәдер эшләргә өйрәнү - зур шатлык. Мәктәпкә технолог кирәк», — диде педагог.