"Татар-информ" — республикада иң күп укылган интернет басмалар исемлегендә

Мәгълүмат агентлыгы уникаль укучылар саны буенча да беренчеләр исемлегендә.

(Казан, 1 февраль, “Татар-информ”, Лилия Локманова). 2016 елда Татарстанда интернетта иң күп укылган басмалар исемлегендә “Бизнес онлайн”, “Татар-информ”, “Реальное время”, “Кazanfirst”, “Вечерняя Казань” газетасы сайты тора. Бу хакта бүген “Татмедиа” Республика матбугат һәм массакүләм коммуникацияләр агентлыгы җитәкчесе Айрат Зарипов хәбәр итте.

Уникаль укучылар саны буенча, ай дәвамындагы күрсәткечләргә карап төзелгән исемлектә дә “Татар-информ” икенче урынны били. Беренчедә – “Бизнес онлайн”, өченчедә –“Кazanfirst”, дүртенчедә – “Рrokazan”, бишенчедә “Реальное время”.