Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Социаль хезмәтләр пакеты алучы пенсионерлар электричкада бушлай йөри ала
Социаль хезмәтләр пакеты алучы пенсионерлар шәһәр яны поездларында бушлай йөрергә, шулай ук Россия чикләрендә урнашкан шифаханә-курорт дәвалану урынына бушлай барырга һәм кире кайтырга хокуклы. Бу хакта сенатор, Псков өлкәсе социаль фонд бүлегенең элеккеге җитәкчесе Наталья Мельникова хәбәр иткән. Аның сүзләрен РИА Новости китерә.
Ул шәһәр яны поездларында бушлай йөрү хокукы социаль хезмәтләр җыелмасын алучы барлык пенсионерларга бирелә, дип аңлатты.
Моннан тыш, Мельникова сүзләренчә, дәвалану урынына бушлай бару һәм кире кайту мөмкинлегеннән сәламәтлек саклау органнарыннан дәвалану учреждениесенә яки шифаханә-курорт оешмасына юллама алган пенсионерлар файдалана ала. Бу ташлама Россия Федерациясенең бөтен территориясендә гамәлдә. Ул ерак араларга йөрүче поездларга да, шәһәр яны электричкаларына да кагыла.
Сенатор шулай ук аерым төбәкләрдә пенсионерлар өчен өстәмә ташламалар (шул исәптән транспорт салымы буенча да) каралган, дип игътибар итте. Мондый ярдәм чаралары субъектлар дәрәҗәсендә билгеләнә, аларны төбәк хакимияте мөстәкыйль рәвештә җайга сала, дип аңлатты Мельникова.
Кызыклы яңалыкларны күзәтеп бару өчен Телеграм-каналга язылыгыз