Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Социаль фонд пенсиягә өстәмә түләүләр вәгъдә итүче мошенниклар турында кисәтте
Cоциаль фонд россиялеләрне пенсиягә өстәмә түләүләрне «гарантияле» рәсмиләштерүне тәкъдим итүче мошенникларның активлашуы турында кисәтте. Бу хакта РИА Новостига социаль фонд матбугат хезмәтендә хәбәр иттеләр.
Ведомство мәгълүматлары буенча, мондый оешмалар түләүле консультацияләр, «яшерен инструкцияләр» тәкъдим итә һәм янәсе пенсиягә өстәмә түләү турындагы мәсьәләне тиз арада хәл итүне гарантияли.
Фондта билгеләп үткәнчә, россиялеләр элеккечә пенсия күләме һәм стажны раслау турындагы сораулар белән мөрәҗәгать итә, әмма соңгы елларда мондый мөрәҗәгатьләр саны сизелерлек кими. Фондлар берләшкәннән соң ул икеләтә кимегән – 53,6 процентка, тенденция 2026 елда да саклана: беренче кварталда күрсәткеч тагын 33,6 процентка кимегән.
Бу пенсияләрне исәпләүнең үтә күренмәле системасы һәм персоналаштырылган исәпкә алу белән бәйле. 1997 елдан башлап стаж һәм хезмәт хакы турындагы мәгълүматлар бердәм базада саклана. Хезмәт «Дәүләт хезмәтләре» порталында иң кирәкле хезмәтләрнең берсе булып кала бирә.
Кызыклы яңалыкларны күзәтеп бару өчен Телеграм-каналга язылыгыз