news_header_top
Руc Тат
16+
news_header_bot
news_top
Җәмгыять 2 июнь 2025 11:17

Социаль фонд июньдә бәйрәм алдыннан пенсияләрне вакытыннан алда түләү турында хәбәр итте

Скопировать ссылку

Пенсия түләү көне 12 июньнән 15 июньгә кадәр булган пенсионерларга акчаны алдан – бәйрәм ял көннәре башланганчы күчерәчәкләр. Бу хакта ТАСС хәбәр итә.

2025 елда 12 июньдә билгеләп үтелә торган Россия көне пәнҗешәмбегә туры килә. 8 марттан ял көнен (быел ул шимбәгә туры килде) җомгага, 13 июньгә күчерү нәтиҗәсендә, россиялеләр дүрт көн рәттән — 12 июньнән 15 июньгә кадәр ял итә алачак.

Социаль фонд матбугат хезмәтендә аныклаганча, июньдә озын ял көннәре сәбәпле, 12-15 июньдә түләргә билгеләнгән пенсияләр вакытыннан алда күчерелә. Һәр төбәктә акча күчерү сроклары банкларның һәм почтаның җирле эш графикларын исәпкә алып билгеләнә.

Моннан тыш, әгәр пенсионер пенсия белән бергә Социаль фондның башка түләүләрен дә ала икән, алар шулай ук алдан ук фондка гариза бирү яки мөрәҗәгать итмичә күчереләчәк, ул автомат рәвештә була.

Вакытыннан алда түләү барлык төр пенсияләргә кагыла, шул исәптән иминият, социаль, тупланма, шулай ук картлык һәм инвалидлык буенча пенсияләр. Бәйрәм көннәренә бәйле рәвештә түләүләрне китерү турында тулырак мәгълүматны банк бүлекчәләрендә һәм «Россия почтасы» почта бүлекчәләрендә ачыкларга мөмкин.

news_right_1
news_right_2
news_bot