Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сочида янгында сигез кеше һәлак булу факты буенча җинаять эше кузгатылган
Тикшерүчеләр янгын сәбәпләрен, корылма хуҗасын һәм тиешле рөхсәт бирүче документацияне ачыклый.
(Казан, 30 июль, “Татар-информ”) Тикшерү органнары Сочида янгында саксызлык аркасында сигез кеше үлеме килеп чыгу буенча җинаять эше кузгаткан. Бу хакта дүшәмбе көнне Россия Тикшерү комитетының төбәк буенча Тикшерү идарәсе матбугат хезмәтендә хәбәр иттеләр.
Тикшерүнең башлангыч мәгълүматлары буенча, Сочиның Адлер районында шәхси йортта янгын чыккан һәм ул аннан күршедәге корылмага күчкән. Янгында сигез кеше, шул исәптән бер бала һәлак булган. Моннан тыш, ике өлкән кешене һәм 16 яшьлек үсмерне хастаханәгә озатканнар.
Тикшерүчеләр, криминалистлар, шулай ук МЧС хезмәткәрләре янгын сәбәпләрен, корылма хуҗасын һәм тиешле рөхсәт бирүче документацияне ачыкларга тырыша.
Гомуми туклану янкормасындагы янгын турындагы хәбәр Мәскәү вакыты белән 5 сәгать 40 минутта килеп ирешкән. 7 сәгать 45 минутта янгын сүндерелгән. Сочи хакимияте янгын чыгуның мөмкин булырдай сәбәбе итеп, мангалга ут кабуын күрсәтә.
Кызыклы яңалыкларны күзәтеп бару өчен Телеграм-каналга язылыгыз