Хәвеф-хәтәр 2 ноябрь 2016 09:26

Сочида һәлакәткә очраган вертолетның пассажиры үлгән

Беренчел мәгълүматлар буенча, вертолет экскурсия хезмәтен башкарган, һәлакәт техник сәбәпләр яки пилот гаебе аркасында булырга мөмкин.

Скопировать ссылку

(Казан, 2 ноябрь, «Татар-информ»). Сочида һәлакәткә очраган вертолетның пассажиры хастаханәдә үлгән, дип хәбәр итә "РИА Новости".

1 ноябрьдә Сочида шәхси йорт өстенә Eurocopter AS-350 вертолеты егылып төшкән. Һәлакәт аркасында бер кеше үлгән, биш кеше зыян күргән һәм хастаханәгә озатылган. Шулай ук вертолет электр баганасына, ике автомобильгә һәм сарайга зыян салган.

Беренчел мәгълүматлар буенча, «Ельцовка» компаниясе вертолетының командиры кешеләрне экскурсиягә йөрткән, ә бу гомуми билгеләнеш авиациясе өчен һава законнарын тупас бозу булып тора. Тикшерү һәлакәт килеп чыгуның сәбәбе техник төзексезлек яки пилот гаебе булырга мөмкин дип фаразлый.

"Һава судносы хәрәкәте һәм файдалану кагыйдәләрен бозу, саксызлык аркасында кеше үлеменә китерү" маддәсе билгеләре буенча җинаять эше кузгатылган.

#Сочи #вертолет #авария

Сәхифәләр

Сочида һәлакәткә очраган вертолетның пассажиры үлгән