Сәясәт 20 март 2018 14:22

Собчакның ышанычлы кешесе Татарстандагы 50 участокта нәтиҗәләр дөрес түгеллеген белдергән

Әлеге участоклардагы сайлау нәтиҗәләрен тикшерүне сорап, ул Татарстан Үзәк сайлау комиссиясенә мөрәҗәгать иткән.

Скопировать ссылку

(Казан, 20 март, "Татар-информ", Лилия Локманова). Россия Президентына кандидат Ксения Собчакның Татарстандагы ышанычлы кешесе Эльза Исәнбәкова 50 сайлау участогындагы нәтиҗәләрне дөрес түгел, дип белдергән. Әлеге участоклардагы сайлау нәтиҗәләрен тикшерүне сорап, ул Татарстан Үзәк сайлау комиссиясенә мөрәҗәгать иткән.

Бу хакта бүген Үзәк сайлау комиссиясе секретаре Надежда Борисова Үзәк сайлау комиссиясенең 22 нче утырышында хәбәр итте.

"Ике тәүлек йокламаган булуга да карамастан, без мөрәҗәгатьне кабул иттек. Барлык 50 участокка да шалтыратып, барысын да тикшердек", - диде Надежда Борисова һәм закон бозылмавын белдерде.

#сайлау бюллетене #сайлау #президент сайлаулары

Сәхифәләр

Собчакның ышанычлы кешесе Татарстандагы 50 участокта нәтиҗәләр дөрес түгеллеген белдергән