Җәмгыять 19 май 2008 16:03

Соңгы җиде көндә Казанда 4911 йогышлы авыру очрагы теркәлгән

Кискен тын юллары вирус инфекциясе белән авыручылар эпидемия бусагасыннан 39 процентка ким

Скопировать ссылку

(Казан, 19 май, “Татар-информ”). 2008 елның 8-15 май көннәрендә республика шәһәрләрендә 262 кискен эчәк инфекциясе теркәлгән. Узган атна белән чагыштырганда әлге чир белән авыручылар саны 30 процентка кимегән, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек Федераль хезмәтенең ТР идарәсе матбугат хезмәте.
Республика шәһәрләрендә 7772 кискен тын юллары вирус инфекциясе теркәлгән. Грипп һәм кискен тын юллары вирус инфекциясе белән авыручылар саны эпидемия бусагасыннан 39 процентка түбән. Кискен тын юллары вирус инфекциясе белән авыручылар узган атна белән чагыштырганда 34,9 процентка кимегән.
Узган атнада Казанда 4911 йогышлы авыру очрагы теркәлгән. Бу узган атнага караганда 12,6 процентка кимрәк. Аларның 4230 очрагын кискен тын юллары вирус инфекциясе тәшкил итә, бу күрсәткеч алдагы атна белән чагыштырганда 13,1 процентка һәм эпидемия бусагасыннан 17,2 процентка түбәнрәк.

Сәхифәләр

Соңгы җиде көндә Казанда 4911 йогышлы авыру очрагы теркәлгән