Соңгы атнада Татарстанда шикәргә ихтыяҗ 16 тапкыр арткан

Марат Җәббаров әйтүенчә, тарату үзәкләрендә запаслар җитәрлек. Азык төлек дефициты өчен җирлек юк.

Скопировать ссылку

(Казан, 15 март, «Татар-информ», Гөлнар Гарифуллина). Соңгы атнада Татарстанда шикәргә ихтыяҗ 16 тапкыр арткан. Бу хакта ТР Премьер-министры урынбасары — авыл хуҗалыгы һәм азык-төлек министры марат Җәббаров Хөкүмәт йортында брифингта әйтте.

«Узган атна эчендә халыкның көнбагыш маен сатып алу күләме — 9 тапкыр, карабодай буенча — 5 мәртәбә, тозга ихтыяҗ 7 тапкыр артканы күзәтелде», — диде министр.

Марат Җәббаров әйтүенчә, тарату үзәкләрендә запаслар җитәрлек. Азык-төлек дефицитына җирлек юк.

«Ажиотаж туктар дип өметләнәбез. Халык күпләп алганга, кибет киштәләре бушап кала, товарны тарату үзәкләреннән кайтарып та өлгермиләр хәтта», — диде министр. Ул кибетләрдә продукция җитәрлек күләмдә булуы контрольдә тотылганын әйтте.

Сәхифәләр

Соңгы атнада Татарстанда шикәргә ихтыяҗ 16 тапкыр арткан