news_header_top
16+
news_header_bot
news_top

Татарстанда юлларның аерым участокларында кар көртләре һәм бозлавык саклана

Татарстанда юлларның аерым участокларында кар көртләре һәм бозлавык саклана
Фото: © «Татар-информ», Салават Камалетдинов

Дүшәмбе, 5 гыйнварда, Татарстанда юлларның аерым участокларында кар көртләре һәм бозлавык саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Төнлә һәм иртән урыны белән буран чыгуы ихтимал, буран вакытында күз күреме 1000 метрга кадәр начарая. Көньяктан һәм көньяк-көнбатыштан секундына 8-13 метр тизлектә җил исә, урыны белән аның тизлеге 15-20 метрга кадәр көчәя.

Төнлә һава температурасы -4..-9 градуска кадәр төште, көндез термометрның терекөмеш баганасы -2..-7 градусны күрсәтәчәк.

Төбәк юлларында иминлекне тәэмин итү өчен «Буран» оператив планы расланды. Элегрәк ТР Рәисе Рөстәм Миңнеханов республика халкын көчле буран сәбәпле үзләрен сакларга һәм юлларда игътибарлы булырга чакырган иде.

news_right_1
news_right_2
news_bot