Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Смартфоннарны еш куллану нәтиҗәсендә деменция һәм депрессия булырга мөмкин
Япон табиблары кисәтүенчә, хәтер начараю куркынычы янаган категориягә 30-60 яшьлек кешеләр керә, чөнки нәкъ менә алар компьютер һәм смартфоннардан еш файдалана.
(Казан, 10 март, «Татар-информ»). Смартфоннар һәм компьютерларны еш куллану баш миенең чиктән тыш аруына китерергә, шуның нәтиҗәсе буларак, деменция һәм депрессия үсеш алырга мөмкин. Бу хакта РИА Новости япон галимнәренә сылтама белән хәбәр итә.
Хәтер клиникасы директоры Аюми Окумура сүзләренчә, соңгы вакытта кешеләрдә «хәтер начараюга» бәйле очраклар еш күзәтелә башлаган, мондый диагноз өлкәннәргә генә түгел, яшьләргә дә куела. Хәтер начараю куркынычы янаган категориягә 30-60 яшьлек кешеләр кергән, чөнки нәкъ менә алар компьютер һәм смартфоннардан еш файдалана.
Белгечләр әйтүенчә, баш мие мәгълүматны эшкәртеп өлгерә алмый һәм «чүплеккә әверелә».
Табиблар баш миен ял иттерергә һәм девайслардан файдалану вакытын киметергә киңәш итә. Күбрәк йокларга һәм ашаганда смартфоннарны читкә алып куярга кирәк, ди алар.
Кызыклы яңалыкларны күзәтеп бару өчен Телеграм-каналга язылыгыз