Бүген Татарстанда буран һәм -9 градуска кадәр салкын булуы көтелә
Скопировать ссылку
6 мартта Татарстанда аязучан болытлы һава торышы булачак. ТР Гидрометеорология һәм әйләнә-тирә мохитне күзәтү идарәсе фаразлавынча, бераз кар явуы көтелә.
Төнге һәм иртәнге сәгатьләрдә республикада урыны белән буран чыгуы ихтимал. Төньяк-көнчыгыштан һәм төньяктан секундына 5-10 метр тизлектә җил исә, төнлә һәм иртән аның тизлеге урыны белән 13 метрга кадәр җитә.
Төнлә минималь температура -7..-12 градус тәшкил итте, төньяк районнарда аязганда термометрның терекөмеш баганасы -12..-17 градуска кадәр төште. Көндез максималь температура -4..-9 градус, көнчыгыш районнарда -1..-3 градус булыр дип көтелә.
Юлларда бозлавык саклана.