Авыл 31 июль 2017 16:01

"Скорлупино" фестивалендә Россиядә иң зур йомырка тәбәсе пешереләчәк

Йомырка фестивале, гадәттәгечә, Питрәч районында август аенда үткәрелә.

Скопировать ссылку

(Казан, 31 июль, "Татар-информ"). 19-20 августта Татарстанның Питрәч авылында «Скорлупино» фестивале узачак, дип хәбәр итә республиканың Авыл хуҗалыгы һәм азык-төлек министрлыгы матбугат хезмәте. Бәйрәмдә йомырка ыргыту чемпионаты, шулай ук әтәчләр сугышы һәм чабышлары көтелә. Моннан тыш, йомырка пейнтболы да уйнап булачак.

Кунакларны фестивальнең символлары – Ско чебеше һәм аның дусты Цыпа каршы алачак. Бәйрәм тантанасы фестиваль уеннарында катнашучы яшьләр командаларының парад-карнавалы һәм «Скорлупино» утарының төрле бизәкле, театральләштерелгән тамашасы белән ачылачак. Бәйрәм кунаклары Татарстан халкының бай мәдәни тарихы белән танышачак. Фестивальдә сувенирлар әзерләү буенча төрле мастер-класслар да оештырыла.

Фестивальнең төп вакыйгаларыннан берсе – Россиядә иң зур йомырка тәбәсе пешерү һәм аннан авыз итү булачак.

#Питрәч #Скорлупино #Авыл хуҗалыгы һәм азык-төлек министрлыгы

Сәхифәләр

"Скорлупино" фестивалендә Россиядә иң зур йомырка тәбәсе пешереләчәк