news_header_top
16+
news_header_bot
news_top

Казан мәктәпләре, балалар бакчалары һәм югары уку йортлары иртәгә дистанцион укуга күчә

Казан мәктәпләре, балалар бакчалары һәм югары уку йортлары иртәгә дистанцион укуга күчә
Фото: © «Татар-информ», Солтан Исхаков

Аномаль явым-төшем көтелү сәбәпле, 17 февральдә мәктәпләр, балалар бакчалары һәм өстәмә белем бирү учреждениеләре дистанцион эш форматына күчәчәк. Гадәттән тыш хәлләр министрлыгы алдагы тәүлектә начар һава шартларының начараюы турында кисәтте, дип хәбәр итә Казан мэриясе.

Шуңа бәйле рәвештә, укучыларны вакытлыча дистанцион технологияләр кулланып укуга күчерәләр. Шул ук вакытта, учреждениеләрдә кизү сыйныфлар эшләячәк. Балалар бакчаларында кизү төркемнәр оештырыла.

Спорт, мәдәният һәм яшьләр сәясәте өлкәсендәге өстәмә белем бирү учреждениеләре шулай ук дистанцион форматка күчә.

Урта махсус һәм югары уку йортларына белем бирү процессын онлайн-форматка күчерергә тәкъдим ителде.

news_right_1
news_right_2
news_bot