Сишәмбе Татарстанда кырау төшәргә мөмкин
Иртәгә, 7 майда, Татарстанда кабат һава шартлары начарлануы фаразлана. Бу хакта ТР Гидрометеорология үзәге хәбәр итә.
Төнге һәм иртәнге сәгатьләрдә Республика территориясендә, шул исәптән Казанда да, һава һәм туфракны 0..2 градуска кадәр туңдыру ихтималы бар.
Элегрәк «Татар-информ» хәбәр иткәнчә, Татарстанга яңа салкыннар дулкыны килә, 9 майда кырау һәм кар көтелә.
Татарстан метеорологлары мәгълүматлары буенча, майның беренче декадасында төбәктә һава температурасы нормадан 6 градуска түбәнрәк булачак. Россия Гидрометеорология үзәгендә салкыннар кайтуын аңлаттылар.
Моңа кадәр Гадәттән тыш хәлләр министрлыгы татарстанлыларга булачак салкыннарда янгын куркынычсызлыгы турында искәртте.