news_header_top
16+
news_header_bot
news_top

“Синтез” уенчысы Россия җыелма командасы составында уңышлы чыгыш ясады

Артем Одинцов Россия җыелма командасы составында Мәскәү мэры Кубогына узган Халыкара турнирда көмеш медаль яулады

(Казан, 15 июнь, “Татар–информ”). Ватерпол буенча Россия җыелма командасы Мәскәү мэры Кубогына узган Халыкара турнирда көмеш медаль яулады. Грекларны (11:8) һәм сербларны (9:7) җиңеп, румыннарга (8:12) оттырып, Россия командасы икенче урынга лаек булды.
Россиялеләр составында “Синтез” ватерпол клубы сакчысы Артем Одинцов чыгыш ясады, ул көндәшләре капкасына өч туп кертүгә иреште, дип хәбәр итә Казан клубының матбугат хезмәте.
20 июньдә Россия җыелма командасы Румыниягә юл тота, анда алар 25–28 июнь көннәрендә Римда июль аенда узачак спортның су төрләре буенча дөнья чемпионатына әзерләнүче өч команда (Венгрия, Германия һәм Румыния) белән Халыкара турнирда чыгыш ясаячак.



news_right_1
news_right_2
news_bot