Синоптиклар юлларда көчле бозлавык турында кисәтәләр
Скопировать ссылку
Бүген, 28 мартта, Татарстанда болытлы һава торышы көтелә. Бу хакта республиканың Гидрометеорология үзәге хәбәр итә.
Төнлә һәм иртәнге сәгатьләрдә кар һәм җепшек кар фаразлана. Төнлә җилнең тизлеге урыны белән секундына – 17-22 метрга, көндез 15-18 метрга кадәр җитәчәк. Аерым районнарда буран булырга мөмкин.
Төнлә термометр баганалары -1 дән -6 градуска кадәр күрсәтәчәк. Көндез һава температурасы -1дән -6 градуска кадәр тәшкил итәчәк.
Юлларда көчле бозлавык, кар боткасы саклана.