Синоптиклар яшен һәм томан турында кисәтә
Иртәгә төнлә һәм көндез җилнең тизлеге 15-20 метрга җитәргә мөмкин.
Скопировать ссылку
(Казан, 22 июль, «Татар-информ»). Иртәгә Татарстан территориясендә яшенле һәм көчле җил булырга мөмкин. Бу хакта ТР Гидрометеорология һәм әйләнә-тирә мохитне күзәтү идарәсе матбугат хезмәте хәбәр итә.
Иртәгә төнлә һәм көндез көчле җил көтелә. Җилнең тизлеге 15-20 метрга җитәргә мөмкин, шулай ук яшенле һәм көчле яңгыр булачак.
Моннан тыш, төнлә һәм иртән кайбер районнарда томан булырга мөмкин.