Синоптиклар Татарстанда яшен һәм көчле җил булуы турында кисәтә
Скопировать ссылку
Бүген, 15 апрельдә, Татарстанда яңгыр көтелә, көндез урыны белән яшенле яңгыр булырга мөмкин. Бу хакта Гидрометеорология үзәге сайтында хәбәр ителә.
Көндез һәм кичен көчле җил күтәреләчәк, аның тизлеге секундына 15-20 метр булачак, урыны белән секундына 23 метрга җитәчәк.
Термометр баганалары төнлә 0-5 градус, көндез +11...+16 градус күрсәтәчәк.