Синоптиклар Татарстанда кинәт исә торган җил һәм яңгыр хакында кисәтте
Скопировать ссылку
Чәршәмбе, 23 октябрьдә, Татарстанда алмашынучан болытлы һава торышы фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Төнге сәгатьләрдә һәм көндез бераз яңгыр яварга мөмкин. Көнбатыштан искән җилнең тизлеге урыны белән секундына 14 метрга кадәр җитә.
Төнлә һава температурасы +3..+8 градус тәшкил итте, көндез исә +7..+12 градус җылы була.