Синоптиклар Татарстанда июль коры һәм җылы булыр дип фаразлый
Скопировать ссылку
Июль аенда Татарстанда һаваның уртача температурасы климатик нормадан 1 градуска югарырак булыр дип фаразлана. Бу турыда Татарстанның Гидрометеорология үзәге хәбәр итә.
Казанда норма 20,5 градус, республикада 19,9 градус тәшкил итә.
Июльдә явым-төшем җитмәс, дип фаразлана. «Айлык явым-төшем күләме климатик нормадан кимрәк булыр дип көтелә. Норма Казанда 63 мм, Татарстанда 56 мм тәшкил итә», диелә хәбәрдә.
Иртәгә, июньнең соңгы көнендә, Татарстанда 33 градуска кадәр эсселек көтелә.