Синоптиклар Татарстанда буранар көтелү турында кисәтә
Бүген һәм иртәгә Татарстанда кабат һава торышы шартлары сизелерлек начараю фаразлана. Бу хакта ТР Гидрометеорология үзәге кисәтә.
4 декабрьдә кич, 5 декабрьдә төнлә һәм иртән республика территориясендә урыны белән, шул исәптән Казанда, кыска вакытлы буран чыга. Бозлавык булу ихтимал. Төбәкнең көнчыгыш өлешендә томан төшә.
Чәршәмбе кич, пәнҗешәмбе төнлә һәм көндез Татарстан юлларында урыны белән көчле бозлавык хасил була.
Төнге һәм иртәнге сәгатьләрдә бераз кар һәм җепшек кар фаразлана (урыны белән пыскак яңгыр белән). Шул ук вакытта җил кайвакыт секундына 14 метрга кадәр (ТР башкаласында секундына 13 метрга кадәр кадәр) көчәя.
Республикада һава температурасы тәүлекнең караңгы вакытында -2..-7 градус (Казанда -4..-6 градус) була.