Синоптиклар шимбә көнне Татарстанда җил һәм яшенле яңгыр хакында кисәтте
Көньяк-көнбатыштан искән җилнең тизлеге урыны белән секундына 15-16 метрга кадәр җитәргә мөмкин.
Скопировать ссылку
(Казан, 9 август, «Татар-информ»). Иртәгә, 10 августта, төнлә һәм көндез Татарстан территориясендә һәм Казанда көньяк-көнбатыштан искән җилнең тизлеге урыны белән секундына 15-16 метрга кадәр җитүе көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Моннан тыш, көндез кайбер районнарда яшенле яңгыр яварга мөмкин.
Бүген республикада томан төшәчәге һәм яшенле яңгыр явачагы хәбәр ителгән иде.