Җәмгыять 26 гыйнвар 2020 17:27

Синоптиклар Россия территориясендә февральнең аномаль җылы булачагын фаразлый

Илнең төньяк-көнчыгышында гына температура фоны нормадан түбәнрәк була.

Скопировать ссылку

(Казан, 26 гыйнвар, «Татар-информ»). Россиянең күпчелек өлешендә февраль ае гыйнвар ае кебек аномаль җылы булачак. Бу хакта «Фобос» үзәге сайтында хәбәр ителә.

Илнең төньяк-көнчыгышында гына метеорологлар аномаль салкыннарны көтә. Анда температура гадәттәгедән 2 градуска түбәнрәк булырга мөмкин.

«Калган территориядә сезонга хас булмаган җылы һава торышы көтелә, уртача алганда, нормадан 2-4 градуска югарырак була», - дип билгеләп үтә синоптиклар.

Шул ук вакытта, белгечләрнең алдан фаразлары буенча, Себернең урта киңлекләрендә һәм илнең Европа өлешендә тагын да җылырак һава торышы булырга мөмкин.

Аерым алганда, Мәскәүдә февраль аз гына салкын булачак, ә аннан соң температура март ахырындагыга якын була. Ай уртасында бераз салкынайта, әмма температура фоны барыбер нормадан югарырак булачак, ә ай азагында башкалага «чираттагы җылылык» киләчәк.

#җылы кыш

Сәхифәләр

Синоптиклар Россия территориясендә февральнең аномаль җылы булачагын фаразлый