Синоптик Татарстанда яллардан соң кинәт суыту турында кисәтте
Татарстанда яллардан соң кинәт 7-8 градуска суытачак. Бу хакта РФ Гидрометеорология үзәге фәнни җитәкчесе Роман Вильфанд сөйләде, дип хәбәр итә «Интерфакс».
Дүшәмбе, 8 декабрьдә, көндез һәм төнлә республикада температура -7, -10 градуска кадәр төшәчәк, дип аңлатты метеоролог.
Вильфанд сүзләренчә, Оренбург өлкәсендә һәм Урал федераль округы төбәкләрендә тагын да ныграк суытачак. Аерым алганда, Төмәндә дүшәмбе көндезге температура бүгенге 0..-2 градустан -18..-21 градуска кадәр кимиячәк.
«Көнбатыш Себергә бик каты салкыннар килә», - дип өстәде галим. Аномаль җылылыкны аномаль салкын алыштыра. Мәсәлән, Красноярск краеның Туруханск районында 25 градуска суытачак.
Шул ук вакытта «Россиянең Европа территориясендә температура фоны нормадан югарырак була». Әмма Европа өлешенең көнчыгышында, Идел буенда, һава температурасы түбәнәя башлый.