Җәмгыять 2 декабрь 2024 21:50

Синоптик Татарстанда декабрь башында ни өчен кар булмавын аңлатты

Скопировать ссылку

Төньяк Атлантикадан килгән циклоннар тәэсире аркасында ноябрьдә Татарстанда +2...+3 градус җылы булу аномалиясе күзәтелә. Шуңа күрә төбәктә әлегә кадәр тотрыклы кар капламы барлыкка килмәгән. Бу хакта «Татар-информ» га ТР Гидрометеорология үзәге башлыгы Феликс Гоголь хәбәр итте.

Аның сүзләренә караганда, ноябрьнең соңгы декадасы аеруча җылы булды, ул вакытта температура нормадан 5-7 градуска югары иде. Бер ай эчендә айлык явым-төшем нормасының 71% ы яуган. Ләкин бөтен яуган кар эреп бетте.

«Югары температура фоны яуган карның озак тоткарланмавына китерде. Республикада әлегә тотрыклы кар катламы барлыкка килмәде. Якындагы ике тәүлектә элеккечә үк җылы һава торышы булачак, көндезге температура уңай булачак. Кар явуы ихтимал», – диде Феликс Гоголь.

Республика буенча тотрыклы кар капламы гадәттә ноябрьнең икенче декадасы ахырында – өченче декадасы башында урнаша. Әмма быел андый хәл булмады.

Сәхифәләр

Синоптик Татарстанда декабрь башында ни өчен кар булмавын аңлатты