Синоптик: Татарстанда атна азагында -33 градуска кадәр салкын була
Скопировать ссылку
Татарстанда пәнҗешәмбегә кадәр уртача салкын һәм бераз карлы һава торышы саклана. Аннары атна азагына -30 градуска кадәр салкынайта. Бу хакта «Татар-информ»га «Метео» фаразлау үзәге җитәкчесе Александр Шувалов хәбәр итте.
«Пәнҗешәмбедән аномаль һава торышы көтелә. Иртәнге 10-12 градус салкыннан соң һава температурасы кичкә -27 градуска кадәр түбәнәя. Иң салкын көннәр җомга һәм шимбә була, дип фаразлана. Һава температурасы төнлә -33 градуска кадәр, ә көндез -22..-24 градус була», – дип белдерде агентлык әңгәмәдәше.
Салкын көннәрдә явым-төшем көтелми, дип йомгаклады сүзен синоптик.