Синоптик Шувалов Татарстанга арктик антициклон килүе турында кисәтте
Март башында Татарстанга язгы җылы килде, температура нормадан 3-5 градуска артып китте. Әмма бу атна уртасыннан һава торышы арктик антициклон килү аркасында кискен үзгәрәчәк, аның салкын үзәге хәзер Ямал һәм Уралның төньягында урнашкан. Бу хакта «Татар-информ»га «Метео» фаразлау үзәге җитәкчесе Александр Шувалов хәбәр итте.
«Европа территориясенең төньяк-көнчыгышында шактый салкын арктик антициклон урнашкан. Чәршәмбе-пәнҗешәмбедән башлап бу салкын һава илебезнең Европа территориясенең көнчыгышына бәреп керәчәк һәм тулысынча Татарстанны биләп алачак. Температураның уңай күрсәткечләре шактый тиз, 3-5 көнгә алышыначак», - диде ул.
Шувалов мәгълүматлары буенча, төнге сәгатьләрдә һава температурасы -10..-14 градус, ә көндез урыны белән -8...-10 градуска кадәр суытачак.