Синоптик Шувалов Татарстанда Республика көнендә көтелгән һава торышы турында сөйләде
Скопировать ссылку
Республика көнендә Казанда һәм бөтен Татарстанда бик җылы һәм уңайлы һава торышы көтелә. Бу хакта «Татар-информ»га «Метео» фаразлау үзәге җитәкчесе Александр Шувалов хәбәр итте.
«Җылынуның беренче фазасы көтелә, көндезге сәгатьләрдә +21.. +26 градус җылы булачак, иртәдән – 15 градус җылы, явым-төшем көтелми», - дип билгеләде ул.
ТР Гидрометеоүзәге мәгълүматлары буенча, 30 августта Татарстанга чираттагы циклонның җылы фронты якынлаша. Кайбер районнарда урыны белән бераз яңгыр булыр дип фаразлана. Төнлә температура фоны +6..+11 градус тәшкил итәчәк, көндез +19.. +24 градуска кадәр җылы булачак.
Фото: © «Татар-информ», Салават Камалетдинов