Шимбә Татарстанда яңгыр көтелә
Скопировать ссылку
Шимбә, 15 мартта, Татарстанда көндез урыны белән бераз яңгыр фаразлана.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, бүген җил көньяктан исә, аннары көнбатыш юнәлешен алачак. Аның тизлеге секундына 6-11 метр фаразлана, әмма 14 метрга кадәр көчәергә мөмкин.
Көндез иң югары һава температурасы +5..+10 градус була.
Билгеләп үтик, 14 мартта һава температурасы рекорды яңартылды. Метеостанция мәгълүматлары буенча, Татарстан башкаласында иң югары һава температурасы +6,7 градус булган.
«14 март өчен алдагы абсолют югары һава температурасы 2015 елда теркәлде һәм ул +6,2 градус иде», - дип хәбәр итте ТР Гидрометеорология һәм әйләнә-тирә мохитне күзәтү үзәге.