Силуанов: Гыйнвар аеннан Россиядә пенсияләр инфляция дәрәҗәсендә индексацияләнәчәк
2025 елның гыйнварында Россиядәге пенсионерларның пенсияләрен 2024 елда ирешелгән инфляция дәрәҗәсендә индексацияләячәкләр. Бу хакта Федерация Советында чыгыш ясаганда Россиянең финанс министры Антон Силуанов әйтте.
«Эшләүче һәм эшләмәүче пенсионерларга пенсияләр киләсе елның гыйнварыннан агымдагы елда инфляция дәрәҗәсенә арттырылачак», – дип сөйләде Россия Финанс министрлыгы башлыгы (РИА Новости цитатасы).
Россиянең Икътисади үсеш министрлыгы фаразлары буенча, быел Россиядә инфляция 7,3 процент булачак. Августта ул, июль белән чагыштырганда бераз гына кимеп, еллык 9,05 процентка тигез иде.
Россиядә эшләүче пенсионерларның пенсияләре 2016 елдан бирле индексацияләнмәде. Моны яңарту яңартып җибәрү 2025 елга һәм 2026-2027 елларның планлы чорына федераль бюджет проектында каралган. Бу ярдәм чарасы турында җәй башында беренче булып Россия Президенты Владимир Путин хәбәр иткән иде.